النوري موظف في العدلية ..يخدم في محاكم تونس وما عندوش الوقت برشه باش يدور ويحوس لكن كيف سمع بالتركي جاي فرح وقال مالو كان ولد عمتي اللي رباتني وصاتني على التركي ولدها.. وطلبت منو باش يدبرلو خدمة في تونس.. وهو اللي طلب من السبتي باش يعرضلو في محطة الكيران في باب عليوه . وكيف روح النوري من الخدمة لقى التركي في الدار .فرح بيه وسالو على عمتو وعلى والدو والاهل..لان النوري ليه مدة كبيره ما روحش للبلاد.وقالو تهنى بقدرة ربي باش اندبرلك خدمة كيف ما طلبت مني عمتي..قالو التركيراهو حتى انا كلاتلي قلبي السرحه بالبقرات والشياه.. انحب نخدم وننسى هاك التاريخ الاظلم ونرجع تركي اخر ..ونعرس بزهرة. ضحك النوري ضحكة كبيرة وقالوا على طول تفكر في العرس وفي زهرة. قالو التركي يا ولدي راهي متسمية علي م اللي ولدت وقاعده تكبر قدامي وانا انشوف فيها كالورده. اما هي قاتلي ما نوخذك ونعرس بيك الا وما تقد روحك كيف سي النوري.انا ما نخذش راجل ما عندوش خدمة. وبدا التركي يحكيلو على زهرة.يا ولدي زهرة ما كيفها حد.هي راهي اجمل من ليلى حماده ويسرا ومريم فخر الدين وفاتن حمامة قالو النوري .يا وحيد هاك علاش طلبت مني وين اروح انجيبلك معايا مجلة الكواكب باش تقارن بين زهرة وليلى حماده وفاتن حمامة قالو التركي.اسمع يا النوري اش قلت عليها شعر ضحك النوري وضحك معاه السبتي وقالو لو هيا سمعنا اش قلت في زهرة متاعك قال للهم اسمعو هاذي زهرة يا غزال الصحرا ملا قد عليك و ملا وهره اللي يشوفك يضيع صبره ومن علتو ما عادش يبرا قالو السبتي..شوف اش يخرج م التركي.. وزهرة في بالها اللي انت قلت عليها الشعر هاذا..وضحك النوري وقالو هاك تفوقت على احمد خير الدين وعبد المجيد بنجو. هاك شاعر كبير.قالهم التركي.مرة ريتها متعديه من قدام دار عمتى هنيه مروحه من عرس هي وامها.. شعلت ناري.دخلت للدار وعيني في تصويره ليلى حماده وكاني نخاطب في زهرة زهرة يا احلى قمره تضوى في ليل الظلمه كي نشوفك نعفس عالجمرة انت منايا وانت الحلمه زهرة يا احلى قمره تضوي في ليل الظلمه قالو السبتي.ملا التركي .هذا الكلو يخرج منك يا ولد عمتي واحنا ما ناش عرفين.الحصيلو زهرة هذا عملت فيك. قالو اشنوى عملت في..راني نرقد ونصبح نحلم بيها..هي في نظري سلطانه قالو السبتي وانت في نظرها سلطان --------------------- وغدا الحلقة المواليه من رواية ولد الموجيره تاليف محمود الحرشاني
The Asian American Small Business Shopping Guide
Check It Out
